女人對數字最敏感，一係年齡，二係三圍，原來工作年資佢哋都咁怕，因為做多日就等於老多日，更擔心被新人話係「老餅」，同社會脫晒節！但裸模Denisa Brazdova諗法完全相反，阿妹豁達到對外宣布入行十年，未怕老未嫌悶，更不怕被嫌棄，揚言今日先係佢人生事業新開始喎！
同一份工做足十年，無升職又未轉過工，係你都唔夠膽同人講啦！咁你就要向捷克妹Denisa Brazdova學習學習，2005年加入Model界，一直堅持幕前工作，從未言退嘅佢到今日對裸露仍充滿熱誠。1985年出生，就快步入30中女之齡嘅Denisa完全唔介意外界嫌佢老，相反更為屹立裸模界十年到現在仍然留得住班忠實粉絲，吸納到新巴打感到光榮。早前阿妹以表演嘉賓身份出席成人網站舉辦嘅周年晚會，對傳媒表示30之齡對女人嚟講係一個關口，會擔心人生走下坡，對所有事都缺乏安全感，唔敢同人鬥，但佢覺得依家先係一個開始，事關裸模唔易做，受得起所有壓力先係真裸模，所以嚟緊先係佢事業嘅正式開始。
阿妹非常期待同全球裸模較量，尤其係一眾嫩口新星，好希望畀佢哋知道乜嘢叫做前輩。Denisa之所以捱到今日，並非單靠副波哋或老細力捧，而係經過多次失敗跌倒，爬起身改進先可撐到今日，難怪佢話非常尊敬一眾年資高同行，皆因佢哋嘅心理質素比完美波哋仲要完美呀！而Denisa嘅寫真由法國到德國網站都有，當然唔少得捷克及最大市場美國啦。同一副偈咁多國家爭住影，阿妹何止心理質素高，仲好識捉客戶心理添！
裸模講心理質素唔係亂吹，據Denisa喺業界打滾十年，喺歐美都留低不少腳毛，阿妹對傳媒話見證過不少姊妹靠美色上位，亦有同行因受唔起失敗打擊，最後自暴自棄做脫星，佢坦言曾經喺裸模樽頸位，由於再冇新鮮感畀到觀眾，成年冇工開而人氣大跌，想轉型拍四仔，不過佢靠意志撐住，深信操弗自己會得到外界認同，結果一改乜都嘗試形象，只拍有主題嘅唯美寫真，事業運才開始有起色。Denisa表示人喺低谷就會亂，一亂就乜方法都會試，其實愈試就愈行得遠，所以心理質素好緊要，先冷靜諗清楚自己要乜，然後拋低失敗，輕裝上路重新出發。
Denisa以過來人強調裸模界冇真姊妹，只有真鬥爭，因為囡囡間都已徹底豁出去，無糖衣包裝，一埋位就見真身，加上大家晒偈無非都係想走紅，所以唔係你死就係我亡，佢亦時刻提醒自己咪天真，要保持作戰狀態，波哋要戰鬥格，心態要砌低對手，咁莫講話三十，即使四十歲都唔使怕你喎！但問到將來有乜大計，Denisa就話一切依舊，唔會幻想太多。咁查實你係冇諗過，定還是冇嘢好諗，都係得個剝字呢？
簡介：網上有大量Denisa寫真免費任睇，但阿妹賣點又豈止晒波哋咁膚淺呢？想深入了解，想知佢平日做過乜，網民又點評價佢，最好去討論區（目及）（目及），有相有片仲有巴打幫你起底，爽呀！
網址：www.modelshrines.com/models/danae/
出生日期：1985年9月29日
三圍：34C-26-34
身高：5呎7吋
撰文：祖