盛君激讚李治廷

藝人李治廷與盛君獲名媛羅寶文之邀，為旗下集團酒店拍微電影。二人被安排演情侶，難免有錫面擁抱鏡頭。盛君受訪時大讚李治廷：「佢好nice又有才華，我有聽佢啲歌，相信佢係好多女仔嘅白馬王子。」對被拍檔激讚，李治廷笑言：「原來請人食蛋撻好有用。（多女埋身？）好忙呀，不過近日真係接獲唔同朋友嘅短訊鼓勵。」他又透露早前陪家人飲茶時與前輩羅蘭撞過正着。