李彩華狂收追魂call 喊驚

藝人李彩華（Rain）、吳綺莉、名媛鄭明明等昨午出席活動，計劃開內衣網店的Rain透露要經常四圍飛睇sample：「我哋個idea係法國高貴浪漫同韓國潮流，不過舖租、人工貴所以開微購。」與拍檔合作共投資過千萬元的Rain坦言亦會參與設計，對於周秀娜和陳松伶亦開內衣店，問到會否怕有競爭？她說：「唔怕，最緊要做到突出。（自己做model？）會，以前都做過內衣代言人。」

同緋聞男友了解中

成日周圍飛的Rain被問到有冇艷遇？Rain即自爆：「去咗一間舖頭，個法國老闆好熱情咁同我交換WeChat，之後成日video call我，好驚，好少喺咁嘅情況下咁aggressive。」提到其緋聞男友何遠恒，Rain直言深入了解中：「要觀察吓。（就快嫁？）一向都想，身邊好多朋友都結晒婚。」至於鄭明明透露會與同場的陳松伶一齊在上海投資開內衣店。

鄭明明（左）與李彩華密密斟。	李彩華坦言恨嫁。	吳綺莉（左起）、張文慈、趙雅芝齊齊撐鄭明明。

卓林返工後開心咗

而吳綺莉透露女兒吳卓林自返暑期工後，心情比過往開心。問到卓林賺錢後可有孝敬她？她說：「希望愈大失望愈大，母親節都冇啦！（教囡囡理財？）啲朋友都叫我開戶口叫佢儲錢，依家佢知賺錢辛苦。」

文：名人組