吳雨霏努力造人想生3個
歌手吳雨霏（Kary）、藝人陳瀅等昨日出席活動，剛在意大利舉行婚禮的Kary透露昨晨才回港，被問到是否準備造人？她坦言：「我哋好鍾意小朋友，順其自然。依家開始努力，鍾意大家庭，想生三個，但要睇有冇能力。」她指所住的酒店較為偏僻，所以好友兼擔任姊妹的鄧麗欣（Stephy）遲大到：「原本20分鐘車程，用咗兩個鐘先到！」
而陳瀅談到開工遺失手機事件，她講述當天事發經過：「未roll機前我坐(口係)度用電話，楊秀惠坐我對面，當導演嗌開拍收埋啲，可能夾埋咗(o係)劇本，秀惠唔小心收埋咗。（報道話搵咗好耐？）搵咗段時間，最後用『Find my iPhone』就搵到。」
對於失機事件似變到偷竊風波，她即解圍：「唔係，我(o地)好friend，成日一齊食雪糕。其實好小事。（佢有冇唔開心？）唔會，當幫套劇宣傳，一陣開廠講好買雪糕(乙水)大家開心。」