Amanda S.低胸晒古銅美肌
名模Amanda S.及藝人谷祖琳昨日齊齊以deep V裝出席活動，其中超級低胸的Amanda更曬得一身古銅膚色，她透露近日瘋狂做水上運動，令原本纖瘦的身形更加苗條，笑稱現時是人生最fit的階段！
昨日名模Amanda S.及藝人谷祖琳出席日本殿堂級經典美容護膚品牌ALBION舉行的活動，兩人不約而同以deep V裝示人，十分養眼！
Amanda的超deep V花裙配蜜糖古銅膚色，她透露近日愛上水上運動，故曬黑了不少，身形亦苗條結實很多，她笑說：「其實我好鍾意做運動，讀書時成日要做運動考試，我覺得依家係我人生最fit嘅時候。（男友有冇一齊做運動？）我唔係好想講佢住，因為我哋一齊咗唔係好耐，我想慢慢嚟，等穩定啲睇到將來先，要啲時間。（出埠拍拖？）唔係，佢住喺香港，我哋都有一齊出街，唔使走後門，我覺得香港少咗狗仔隊，十年前我覺得狗仔隊無處不在，依家我可以做番自己，我諗因為依家好多社交網有關，人人都會影相。」
與前夫再見是朋友
問多久才會公開男友身份？Amanda坦言去年才經歷離婚，跟前夫一起11年，是很長的時間，現在跟全新的人相戀，要一些時間去適應，而她與前夫仍能保持朋友關係。
同場的谷祖琳亦以白色低胸短裙現身，更獲奶奶及女兒在旁撐場。她表示自己屬乾性皮膚，故很注重保濕，除潔面及保濕，也會做很多水分面膜來滋潤，而不用工作時就盡量不化妝。談及近況，她透露將會再開甜品店：「會喺銅鑼灣開一間cafe甜品。（舖租好貴？）係呀，所以好緊張，今朝先去咗睇裝修。」
近年甜品餐廳生意搞得有聲有色的谷祖琳，剛獲得全港時尚專業女性獎項，令她大感鼓舞，並會與家人吃飯慶祝。已有兩名女兒的她，被問到可會再追個兒子？她說：「呢刻唔會，太多嘢搞，可能兩年後。其實兩個女都幾夠，有諗過生個仔，但其實生完仔唔會錫仔多過女，所以根本生仔生女都一樣，好在依家有媽咪同奶奶幫手照顧，如果再生，自己真係要湊番！」她謂三歲大女剛考進心儀的幼稚園，令她感安慰。
文：名人組