羅霖寫真再加印：我冇報大數

美魔女羅霖今年以五十歲之齡出寫真，加入書展寫真戰團，與一眾(o靚)模鬥過。她亦順利成為風頭躉。所謂樹大招風，她亦成為眾矢之的，被黃榕寸她要狂執相，又被指相片穿崩，以及穿着山寨婚紗。不過她亦能淡定回應，似乎沒有因此而影響心情。

由前晚開始更連走三場騷人氣。前晚她出席影展時，透露19日於書展的簽名會只有150個籌，已搶購一空。她推出寫真後人氣提升了，更有日本電視台邀請她做訪問。提到她的寫真相片被指穿崩，她強調全因沒有執相。

谷盡32E上圍的雞排妹首度踩入書展，並表示會出動全球限量五套的公仔突圍。	雞排妹在場簽名，吸引逾半百名粉絲到場支持。	李嘉欣大讚50歲的羅霖keep得好。

李嘉欣讚皮膚好

而昨日書展正式開鑼，羅霖出席完活動即踩入書展巡視自己寫真的銷情，吸引了半百人圍觀，沒有保安護駕，只有助手陪同的她表現淡定：「好開心，今日收到個好消息就係呢間書報社今年有好多本寫真，我(o個)本係賣得最好(o既)，已經保證會印第三版，印幾多本等老闆話事。（畀人話你着山寨婚紗？）我有睇過個報道，我係支持本地設計師，其實婚紗同晚裝啲款都係大同小異，啲設計師都會互相抄襲，好平常。（話你本寫真要執相？）我依家嚟咗書展，大家睇吓我真人，睇吓我係咪要執相執得咁緊要。依家有咁好成績係好意外，好感恩。」羅霖寫真第一版推出3千本已售罄，加印第二版2千本亦所餘無幾，現已落實終極第三版。

另外，有最美港姐之一美譽的李嘉欣亦大讚曾為亞姐冠軍羅霖keep得好：「佢好犀利，點會keep得咁好，我都想問吓佢點keep。」羅霖亦互笠高帽回應：「我都覺得佢keep得好好，佢仲瘦過我，皮膚又好，如果佢出寫真(o既)話我一定排隊買。佢係美魔女(o既)代表，又係大美人，我呢啲泊埋去係小巫見大巫。」

保鏢護駕排場勁

至於雞排妹谷盡32E上圍性感現身書展，首度踩場的她，與羅霖一樣吸引過半百名粉絲到場支持，同樣搶盡風頭，更有數名保鏢護駕，排場十足。雖然話題未及羅霖，不過卻出動聲稱全球限量五套的雞排妹公仔突圍而出，並指公仔價值3,200港元，更可以幫公仔換衫。問到她會否擔心公仔會被人用作性幻想？她笑言：「我胸部沒（公仔）那麼大，腿也沒那麼長。」另外，她表示只會昨日現身書展，到其他對手簽名就要看其他人安排。

不過，昨晚雞排妹和黃榕分別都指其寫真銷量及預售達8千本，對此羅霖表示其銷量有幾多講幾多：「我冇報大數。」

文：名人組