陳凱琳唔陪嘉穎雙打
藝人陳凱琳（Grace）、蔡思貝（Sisley）昨日出席羽毛球活動。鄭嘉穎熱愛打網球，Grace只識打羽毛球，豈不是冇機會陪男友打波？她說：「以前都有學過打網球，但打唔慣，羽毛球易學啲。暫時未有時間同佢切磋球技，我知道佢有唔少波友。（你可以陪嘉穎玩雙打？）有兩個人已經可以打，不過依家好熱，我怕曬呀。」
眼見蜜運中的Grace容光煥發，Sisley亦戥好友開心，但卻說唔恨拍拖：「我同工作拍拖，每日拍劇都春風滿面。（同排舞師麥秋成拍拖？）係朋友發展中。」早前吳啟華揚言喜歡「發電廠」，Sisley跟他合拍新劇《純屬意外》，大讚啟華紳士，又夾餸給她，令她受寵若驚！
