沈卓盈認分手：性格不合

沈卓盈、張名雅等昨日以嘉賓身份出席無綫節目《夜宵磨》宣傳活動，即席做飯糰給節目主持范振鋒、江欣燕及樂瞳食，三位主持就以水果燒酒回禮。

價值觀唔同

近日卓盈被指與富貴男友Ray（麥偉汶）分手，她搬離豪宅兼搬回屋邨娘家，打回原形，昨日卓盈在活動中被問及此事時，首度承認已單身，跟Ray是和平分手：「主要係性格不合。（幾耐？）都一段時間o架喇，每次拍拖我都好重視一段關係，但相處落大家價值觀唔同，要理智啲。（分手有冇唔開心？）都好無奈，不過我係樂觀嘅人，唔夾分開都係好事。」

沈卓盈承認與Ray因性格不合而分手。 （資料圖片）	左起：沈卓盈、張美妮及張名雅即席做飯糰。	右起：樂瞳、江欣燕與范振鋒拍檔做主持。

樂瞳可性感

問她有否再與前男友Ray聯絡？卓盈說：「隨緣啦，會祝福佢。其實我係工作搏殺期，唔係掛住拍拖唔做嘢。（有指你同Ray嗌交佢打爆你車窗，因為佢太火爆先分手？）兩個人拍拖嗌交一定有，因為性格不合啫！」她直認拍拖時都有人追，目前單身就可以考慮。

最近頻頻晒比堅尼照的樂瞳，表示並非刻意：「去沙灘同船河着比堅尼都好正常。」笑指早前懶惰沒有做運動變肥，令上圍「有進帳」，正減肥的她說：「我都年紀唔細，唔介意少少性感。」同場的張名雅早前在社交網上公開叫朋友介紹男士，問到有沒有着落？她說：「梗係冇啦，朋友都知我唔急嘅，過咗想拍拖嗰段時間啦，有就拍，冇都冇得勉強。」不過她直認有追求者出現，並笑謂：「女仔冇人追好慘o架！」

文：影視組