韓君婷單身回流操fit復出
久未露面的藝人韓君婷雖仍單身，但努力保養的她身材依然fit爆，容光煥發！過去五年飛往新加坡幫哥哥打工的她，指今次無限期留港，更透露有人找她復出拍攝節目，或將重返娛樂圈。
藝人韓君婷、黃日華女兒黃芷晴及新鴻基發展（中國）董事馮秀炎，昨日出席「apm 10周年全城WOW起來」活動。當中久未露面的韓君婷身材依然fit爆，風騷表示：「以前同客戶合作過，咁啱今次有鍾意嘅卡通人物做主題所以出席。」她透露到新加坡工作近五年，最近才回流返港：「我過咗去幫哥哥手做電子公司，唔係朝九晚五，係朝八晚十一，有時放假都要同老闆交代工作。」問到工作繁忙是否無時間拍拖？她坦言現時未有男友，至於追求者，她則笑謂：「話冇嘅我都幾冇面！（新加坡好多富商！）工作上接觸嘅都係engineer（工程師）或者做廠嘅，大多數都結晒婚。（家人催婚？）順其自然，拍拖要睇人緣。媽咪都問過好多次，都好明白，依家放棄咗冇再問。平時放假都係同啲姪仔、姪女玩，一家人食飯，當正係自己嘅小朋友(口架)喇。」此外，她表示哥哥公司生意已上軌道，將無限期留港，問到是否重返娛樂圈？她未有正面回應：「依家有見工搵嘢做，有人搵我拍番節目，自己都鍾意拍，prefer留喺香港生活。」
黃芷晴狂迷愛麗絲
而同場的黃芷晴自言是童話故事人物愛麗絲的忠實粉絲，透露早前往東京旅行時，買了幾千元的精品：「買完影戰利品畀屋企人睇都鬧我，話冇地方擺。我媽咪成日請朋友上嚟，可以攞啲茶壺出嚟用！」與香港電視六月底已完約的她，表示原定七月放大假休息：「不過經理人問我接唔接埋啲工作，話可以賺番多啲錢買愛麗絲，哈哈！」她另又預告將與家人到大阪旅行，享受家庭樂。
文：名人組