鄭俊弘 點燃夢想 下站紅館

鄭俊弘9月將舉行《紅色演唱會》，他昨日穿紅西裝出席記招，獲唱片公司高層何哲圖、音樂總監鄧建明、主辦單位和贊助商等現身支持，場外亦有近百歌迷打氣。

感謝公司冒險

Fred受訪時，對於去年11月舉行了首個個唱，今次相隔10個月即舉行第二次個唱，感興奮和幸福：「多謝主辦單位，仲有公司冒呢個險，畀信心我。」談到個唱命名為「紅色」，Fred指這代表他對音樂的一團火，希望觀眾可感受到。

鄭俊弘昨日穿紅色西裝出席個唱記招，希望鴻運當頭。	音樂總監鄧建明（右）對鄭俊弘充滿信心。	大批粉絲現身支持鄭俊弘。

為迎接個唱，Fred正積極操fit，每日跑步和做gym，更請了教練幫手，問屆時可會爆肌？他謂：「唔會直接正面爆，但隱隱約約都有啲。」至於會否半裸露兩點？他口快快稱：「會同導演、造型師夾一夾睇吓點帶呢點出嚟。（即係邊點？）即係點帶呢part出嚟。」

Fred亦預告今次會跳舞，問可會跳辣身舞？他笑言：「自己同自己辣身？依家確定會有幾首歌跳舞，但唔會跳到好似K-Pop咁勁。」他正錄製第二隻碟，到時在個唱會唱新歌，嘉賓名單則未確定。

盼兩年內達標

今次個唱在九展舉行，問Fred下次再開個唱會否進軍紅館？他坦言：「呢個絕對係目標。（想幾年內完成夢想？）希望兩年內。」

文：音樂組　

攝：李廣成