(1)麥明詩日本行慘遇癡漢

12位候選港姐昨日結束日本的外景拍攝回程抵港，當中自爆喉嚨痛的大熱(1)麥明詩（Louisa）及其宿敵「寸嘴Ada」(4)龐卓欣（Ada）略顯疲態，但仍笑容可掬，反觀「城大學生」(9)郭嘉文（Karmen）雖於早前化妝環節中變靚，但她化上淡妝就即打回原形，明顯跌watt！

途人指佳麗似樣

提到旅程中最難忘的事？Karmen搶先大爆佳麗們首次於當地坐JR鐵路時被人撩兼埋身要求合照：「我哋差啲遇到『癡漢』，因為成班女仔12個出嚟好矚目，讚我哋可愛。（當時好驚？）有好多工作人員保護我哋。」Ada則表示當時獲讚靚女：「有好多男人話點解咁多靚女！」

「寸嘴Ada」龐卓欣（左）和郭嘉文昨日回港。	「寸嘴Ada」（左）獲女粉絲接機。	麥明詩試孭背包，神情肉緊。

而Louisa笑言被批「似樣」：「佢哋仲話我哋生得差唔多（樣），個個好似樣！」談到競選中Louisa及Ada等不停被拿來比較，她們會否介意？Ada就貫徹敢言作風，自信爆棚地表示比賽本身就是比較，大家亦各有優勢。而Ada更成為唯一獲粉絲接機的佳麗，惟該名少女粉絲向她送上禮物後即急急腳離場，不敢與她合照。

十優狀元攻特價衫

另外，「十優狀元」Louisa與其他三位佳麗日前化身「慳妹」在日本抽空掃貨，其中購物最多的Louisa主攻特價衫褲，又與佳麗們「放縱」歎雪糕，最後花費了近二百港幣。平時喜歡網購的她直言要親身買衫獎勵自己及買零食作朋友的手信。

文：影視組