譚嘉儀添食成疑

歌手譚嘉儀與吳業坤昨出席活動後受訪，第一輯《愛‧回家》前晚大結局，有份演的嘉儀表示暫未獲邀拍第二輯，談到吳業坤食海南雞飯受氣一事，她稱曾遇無理店員：「諗起都嬲！嗰陣我喺旺角個商場買完嘢，一個鐘後有個店員追住我話我買嘢未畀錢，我有收據叫佢查閉路電視同報警，佢又唔肯，我估佢想屈我畀多次錢，最後佢可能怕我報警就自己走咗。」
譚嘉儀曾遇過無理店員。
譚嘉儀曾遇過無理店員。

而吳業坤指海南雞飯事件令他上了寶貴一課，事後他被網民批評為「鍵盤戰士」，他回應謂：「佢哋自己咪又係鍵盤戰士，我平時都有上討論區，其實打字好易，不過啲人留言好唔負責任，我覺得自己依家釋懷咗好多。」

吳業坤稱海南雞飯事件令他上了寶貴一課。
  • 吳業坤稱海南雞飯事件令他上了寶貴一課。