Jeana縮肚 驚一腩無遺
藝人何佩瑜（Jeana）昨偕泳兒（Vincy）、魔術師甄澤權（Louis）、歌手陳凱彤及丁悅等，出席品牌頒獎典禮。以淡綠色bra top配白長裙現身的Jeana，露出性感小蠻腰，但卻透露慘被同事笑她凸出小肚腩：「依家都要keep住縮肚狀態，因為之前去咗雲頂做演唱會，懶散咗，食咗好多嘢。最開心係攞咗兩個超級大鮑魚返嚟畀人食，嚟緊都要勤力啲keep番身形。」她亦透露現時未有計劃再出寫真，可能留待將來佗B時出，但則不會全裸上陣。
寫劇本講女同志
最近化身才女的Jeana，現正忙於創作首個有關血腥殺人的變態女殺手的電影劇本。她更透露有意找林雪和廖啟智等好戲之人參演。問到電影可會有激情戲？她表示：「如果有係會同女仔，因為套戲講女同志。（想搵邊個一齊做？）想搵個靚但備受保護、好嬌小嗰。（激到咩程度？）都係意識大膽，最激可能係搵床單包住佢，我就保護個女仔。」她坦言電影主題圍繞「早知如此，何必當初」的訊息。
泳兒感激葉玉卿
而同場任表演嘉賓的Vincy則多謝葉玉卿的讚賞，令更多人點唱她表演《擋不住的風情》。她亦透露早前有向男友表演此歌，笑言很少會跳給自己人看，因很難在他們眼中感覺到性感，她亦透露稍後會到內地宣傳。
而Louis則表示有意跟舊同學合資開冰室或茶餐廳，預計投資幾十萬：「我想搞個魔術冰室，搵魔術師嚟表演，客人一邊食一邊睇魔術，自己得閒都會駐場。」
文：音樂組