藝人江欣燕昨日接受無綫節目《兄弟幫》訪問，大讚第三輯《夜宵磨》的新拍檔樂瞳是豪氣女子，又指對方好玩又鍾意飲酒。不過欣欣則自爆早前拍《夜》時，空肚暢飲清酒和雞尾酒搞到暈佗佗，並謂初拍攝時不懂就位：「當時我將全部食物都食晒，第一輯肥咗十磅，有成120磅，到依家已經識得就住食，拍之前會食少啲嘢或者全日唔食。」
