阮兒大C級唔愛靚仔

憑無綫劇《愛‧回家》角色Pinky成功彈出、擁有33.5C好身材的藝人阮兒（Chloe）無懼陽光猛烈，在沙灘大「曬」完美身段，以健康性感引得泳客不時偷望！自2006年度香港小姐競選後不停裝備自己的她，最近就隨無綫新劇《殭》劇組到荷蘭拍外景，回到出生地衣錦還鄉的她，更代表無綫到當地三間電視台受訪：「行出街嘅時候，好多荷蘭嘅市民都認得我哋，知我哋拍緊咩！」

以雙手做出心形的阮兒誓要冧暈宅男。	阮兒貪玩潑水，以為有助降溫？相反愈潑愈慶！	中越混血兒阮兒玩沙灘波，同陽光玩遊戲！

帶《殭》劇組尋訪美食

問Chloe有否以東道主身份帶隊做導遊？她坦言有帶劇組到處尋覓美食：「同埋有一日好特別，嗰日就係King's Day，個個人都着晒橙色衫，無論係喺屋企定係出街都着橙色。做嘢時候撞正King's Day真係好難得！」除了無綫幕前工作，Chloe更在網上開設短片頻道，上傳自彈自唱影片，誓要做音樂才女：「我一年前係完全唔識彈琴，都係自學學番嚟，唱歌都係啱啱學，喺香港住自己一個人喺屋企嘅時間比較多，令我培養到好多種興趣。」

荷蘭長大苦練廣東話

雖然Chloe是中越混血兒，加上從荷蘭土生土長，但她的廣東話卻非常流利，原來她下了不少苦功：「以前返香港唔識睇中文，但依家識睇雜誌。試過咬住橙皮同咬住麵包練廣東話，又會邊睇電視邊讀對白，同埋我唔想自己有太多『Actually』、『Well』嗰啲，盡量都想用番廣東話。」現時單身的她，談到理想對象就立刻雙眼發光，更指最緊要有feel：「同埋要對我媽咪好，以前就覺得要高大靚仔，依家就知道靚仔冇本心，冇安全感！」

Profile

姓名：阮兒

年齡：27歲

身高：1米65

三圍：33.5C、24、34

文：影視組

攝：劉斌