小鳳恨嫁要啱Key！ 拒嫩粉送愛
徐小鳳多年來感情生活一片空白，前晚擔任潘源良作品展的嘉賓時，她就自爆渴望再披嫁衣，不過因怕受傷害而未敢再闖情關！此話一出即有現場觀眾向她主動示愛，可惜小鳳姐卻嫌對方年紀太細，向他派檸檬！
著名填詞人潘源良（潘Sir）一連兩晚假紅館舉行的「最愛潘源良是誰作品展」前晚來到尾場，再度獲女友李麗珍前來支持。而這場繼續有林子祥、葉蒨文、草蜢等擔任嘉賓，當特別嘉賓徐小鳳一出場，馬上引來全場歡呼聲！
徐小鳳在演唱《婚紗背後》期間不時大派飛吻，之後又向大家發放笑彈，她笑言潘Sir向來低調，這次開作品展是「醜婦終須見家翁」，可以讓大家知道他的「所作所為」，又提到當初收到潘Sir的歌詞，以為對方再失戀，潘Sir馬上澄清：「監製話要寫歌畀你，咁人生哲理、環遊世界、叉燒包o個o的你都唱埋喇，咁我就諗大家最關心你o既係咩呢，先有呢個意念！」
冇膽闖情關
徐小鳳就笑謂對婚姻又愛又恨：「我係『恨』到不得了，但冇膽入情關，因為驚畀你哋呃！」隨即便有觀眾向她大叫「我愛你」，徐小鳳說：「睇一睇個樣先！你咁細個點愛我？我要搵個年紀、性格同我相似o既，不過其實好難！」接着就邀請倫永亮和盧冠廷上台合唱《憑着愛》。
珍妹撐男友
完場後，珍妹亦有到後台與潘Sir慶祝作品展順利完成，問到潘Sir為何不在台上向女友求婚？他說：「唔會發生，一路都冇呢個項目。（唔多謝珍妹？）我有多謝屋企人，已經當佢係我屋企人啦！」
至於會如何答謝其他歌手？他坦言與大家有默契：「大家友情都咁多年，唔係講報唔報答o架喇，呢件事大家希望一齊完成o既！」提到他在尾聲時說「香港加油」，潘Sir表示希望能將香港流行文化傳承下去，所以這次作品展有邀請新一代歌手合作，又坦言希望有更多人一起扶持有才華的年輕人。
文：音樂組