胡諾言女爆缸 父能量擋災
不少藝人趁昨日父親節於網上公開對父親示愛，不過對胡諾言、林盛斌（Bob）及甄子丹而言，今個父親節卻認真黑仔，胡仔細女於家中跌爆眉骨險破相，令身在內地拍劇的他心如刀割；原定一家高興遊主題公園的Bob，揸車途中發生交通意外，結果要賠錢；「宇宙最強」子丹昨日拍戲又告受傷。不過，相信三人都可憑「父」能量撐過去！
昨日父親節，圈中不少為人子女或已為人父的藝人，都透過網絡向父親示愛或大晒與子女的親密相，惟胡諾言、林盛斌及甄子丹卻有另一番體驗。
在開平拍劇集《公公出宮》的胡仔未能在港過父親節，原本很掛念兩女兒的他日前更遇上不快事，細女芷悠放學返家時，懷疑於客廳梯級不小心差錯腳撼爆眉骨血流如注，當時太太陳琪不在家，爺爺嫲嫲即送芷悠到醫院，醫生診斷後發現傷口頗深，建議轉介整形科醫生，隨後趕到醫院的陳琪即致電胡仔，胡仔聞言亦嚇親：「當時想即刻返嚟睇細妹，好擔心，但太太阻止我，話我返嚟都幫唔到咩，咁我就等太太處理，我一直等佢電話話我知情況。」
陳琪擔心落淚
陳琪透露芷悠經整形科醫生診斷後，為芷悠做了全身麻醉手術，原定15分鐘的手術卻做了個多小時，令陳琪擔心得哭出來，她謂：「醫生話芷悠傷口一吋長，深到見骨，所以手術要由骨膜開始補，之後肌肉、脂肪到皮膚逐層補，數唔到縫咗幾多針。」陳琪之後每日拍攝芷悠最新情況給胡仔看，問芷悠可有扭計？陳琪謂：「佢好貪靚，手術後第二日畀佢照鏡，佢睇到就唔開心喊，之後就唔肯再照鏡。」
育有三女的Bob昨日則駕車載一家人到主題公園慶祝，但途中與另一架車發生輕微碰撞，Bob受訪時說：「好日都唔揸嗰條路，意外後有報警，但大家建議自己解決，大家撞到大家揼把，不過人哋新車落地一個月，我大女就嚇到喊，驚我畀人打同鬧。對方係印度律師，最後我賠畀佢，當破財擋災。」及後Bob在社交網上載了與該車主合照，還自誇靚仔：「我又同佢全家道歉，兼氹番佢個仔笑，所以就原諒咗我，最後friend咗仲selfie（自拍）！」Bob其後又與該車主相約日後食飯及飲酒，二人更不介意交換住址，可說是不撞不相識。
子丹掛念老爸
至於在上海拍電影《葉問3》的子丹，繼早前被張晉劈到鼻樑標血後，昨日又上載一張受傷照，相中見他以毛巾按住額頭，未知子丹是否掛住子女，一不留神失手受傷。子丹也趁節日上載兩張父親的相，並留言：「老爸，您總是用最平淡最樸素的方式去表達您的愛，但您的愛卻足夠我享用一輩子。」
文：影視組