吳卓羲辭演新劇 洪永城笑執二攤
洪永城再做男主角，不過今次是繼頂替黃浩然後，再因吳卓羲撞期而冷手執個熱煎堆拍新劇。不過洪永城坦言不介意被指再「執二攤」，笑言有得做已很好，更指「魔鬼教官」角色甚具挑戰。
藝人洪永城（Tony）、岑麗香、吳若希等，今日將出席監製葉鎮輝新劇《實習天使》造型禮。Tony今次再做男主角，是繼早前於《張保仔》頂替因病辭演的黃浩然後，再冷手執個熱煎堆，頂替因拍內地劇而撞期的吳卓羲。不過Tony坦言不介意再「執二攤」:「有得做已經好開心，嚟到手就要做到好，就算之前搵過幾多個都好，都唔會有影響。」他更直言今次演「魔鬼教官」的註冊護士，極具挑戰之餘壓力亦甚大：「嗰角色好cool，講嘢冇尾音，好難做。我有同啲前輩傾，會參考韓國電影。（前輩是唐詩詠？）唔敢叫佢前輩，但都會問佢意見。」
忙搵人仔未傾續約
至於現時在內地拍劇的卓羲，受訪時坦言要多留一段時間才可返港：「因為我接咗另一套內地劇，個期撞咗趕唔切返嚟拍。（依家由洪永城頂替角色。）咁個劇點都要搵人拍。」據知卓羲將快約滿無綫，提到續約，他坦言遲些要返公司傾，只是一直忙於拍內地劇，未有時間！
陳凱琳呷醋阻約會
此外，Tony昨日與陳凱琳（Grace）為無綫節目《食得健康嗎？》任嘉賓，二人更互相揶揄戀情！Tony更自爆逼緋聞女友唐詩詠食咖喱：「去埋重慶大廈食！（詩詠投訴你有咖喱味？）當然有少少嫌棄，不過喺我強迫吓會食。」提到鄭嘉穎日前指會相約Grace食飯，她說：「約緊。（專車接送返家好貼心？）幾好！」身旁的Tony即稱已約嘉穎打網球，更同獲對方接送。豈料Grace「呷醋」謂：「原來約咗你，唔怪之唔得閒約我啦！」
文：影視組