祖兒低調賀壽
天后容祖兒、李克勤及洪永城等前晚為無綫節目《今晚睇李》任嘉賓，祖兒與克勤正忙於為九月的演唱會宣傳，問祖兒可擔心主持李思捷問有關男友劉浩龍的問題？他說：「唔驚，驚都冇用，同埋有克勤喺度，我諗佢唔會幫思捷。」近期又要拍內地真人騷的祖兒快將生日，她說：「生日咁啱放假。（點慶祝？）冇諗，呢排飛到嘔，如果有時間都唔想太熱鬧，靜靜哋慶祝。（二人世界？）未有計劃。（師兄會唔會驚喜求婚？）唔會啩。（想嫁未？）真係唔使住。」
克勤透露無綫也有邀請他主持節目，他希望主持整蠱小朋友的節目，但不會讓兒子上鏡。《今》由無綫最大的一廠搬到四廠錄影，思捷坦言沒感不快：「一開始想喺四廠做，依家四廠係《今晚睇李》專屬，好少節目可以咁，仲加到30集，可能會再添食。」
