舒淇（目及）小鮮肉最冧吳亦凡
女星舒淇昨日與任賢齊（小齊）在北京出席宣傳活動，兩人手拖手出場，狀甚甜蜜，舒淇最近在新片中飛甩高富帥男友，她搞笑指這不是其原意，只是劇情所需，更指每個人在愛情方面均遇到樽頸位，但只要離開一陣子，便會發現愛情的真諦，不諱言當年為了逃避台灣男友，才走到香港拍電影。
已為人父的小齊，被問到有沒有替舒淇牽紅線介紹男友，舒淇聞言即睥住小齊，令全場笑聲不絕，小齊笑指不會送妹妹到火坑。而舒淇被問到有沒有留意影壇小鮮肉？她想了一會謂：「最近有留意吳亦凡（前韓國組合EXO成員），幾好呀！（想唔想同佢合作？）我已經差不多退休，留畀啲美少女啦！」
整蠱小齊失敗
舒淇更爆拍戲時聯同其他演員向小齊進行大整蠱，沒料出名好脾氣的小齊沒有半點不悅，令眾人計劃告失敗，舒淇笑謂：「我要試吓佢係咪真係脾氣好，拍嗰時專登NG，小齊差啲趕唔到飛機，不過佢都係唔發脾氣囉！」不過小齊卻自言最怕舒淇黑臉，他說：「拍攝嗰個沙灘又大，太陽又猛烈冇地方避，如果女仔畀太陽曬黑咗，我用咩彌補佢好？呢樣嘢反而令我最着急。」
文：影視組