王宗堯幸遇伯樂男神歸位

現年36歲的新一代「男神」王宗堯（Greg），入行初期事業不順，曾想過放棄幕前工作：「去到某一個年紀，覺得事業冇咩進展同突破，唸過係咪適合繼續走落去？加上香港行業比較細，演出機會唔多。當時有諗過去北京，試吓與不同劇組繼續拍戲，再唔係就做幕後！」跨越了障礙的Greg最多謝現任公司：「遇到伯樂好緊要，畀到好多鼓勵我。佢哋畀到自由度同信心我。一個人如果有自信，好多嘢都會返番嚟，我喺度重拾信心！」

挑戰專業組賽事

勇於挑戰的Greg，近日成為了「天梭表衝破極限挑戰賽2015」的活動大使，將於6月7日落場參加比賽。他笑言：「依家說服緊大會畀我參加專業組，不過到時出咗賽程表，再睇吓起唔起到身。」閒時有鍛練體能的Greg，信心十足想挑戰專業組：「唔知到時會有幾難，平時都有做開運動，例如打拳、踢波，所以體能上應該冇咩問題。（又要拍戲又要操體能？）做運動個人會精神啲、健康啲。同埋拍戲都需要保持身形，我又唔戒口，所以點都會Keep住做番多啲運動！」

王宗堯信心十足，將挑戰專業組的障礙賽。

曾為電影露股的王宗堯，強調若劇情合理就會專業演繹。

裸露唔代表低俗

對於常拍較偏極的角色，Greg認為要不斷挑戰極限，才可在演藝路上不斷昇華。曾為電影露股的他坦言：「劇情需要你去做，自己又覺得情節合理，其實唔會係一個限制。裸露唔代表就係低俗，只要出發點係為咗套戲，唔需介懷人哋點睇。喺個角色內，你係做緊戲，唔係做緊自己！（唔怕被定型？）我其實有做過好多唔同類型嘅題材，只不過議論性高嘅係偏極嘅角色。最少知道嗰啲角色有畀人討論，真係有人睇！至於平時拍廣告、出活動，都是我健康、正面的一面。」

文：專案組

攝：秦健輝　

Hair：Zap@QUEEN'S PRIVATE i SALON　

Make-up：Aster Pang