靚媽出口術 唐寧制服誘惑轉型賣

唐寧去年起與朋友籌備拍網絡節目《Lelelala去返工》，內容講唐寧到不同地方工作及體驗。一直從事演藝事業的唐寧，今次選擇到電器舖做銷售員賣冷氣機，她說感覺新鮮。

熱心招呼客人

「工作」期間，唐寧背熟了各種冷氣機的型號，還熱心招呼客人。事後受訪時，唐寧說拍第一集節目時，去了茶餐廳當侍應：「做侍應幾辛苦，連廁所都要洗！」

開工前，唐寧留心聽職員講解冷氣機資料。	唐寧熱心招呼客人。	獲讚駐顏有術的唐寧，笑說終證明自己沒整容。

問為何會想「試工」，唐寧笑言：「我由細到大都喺演藝圈，以前其他同學去做暑期工，我放暑假都係拍嘢，所以冇真正做過其他工。」她續說除了演戲，就沒其他技能：「冇感受過搵工嘅辛苦，覺得生命好似缺失咗啲經歷，有呢啲經驗，等仔女大咗就可以教佢哋。」

觀眾陪伴成長

網民看過最近熱播、唐寧童年時有份演的劇集《大時代》，都讚33歲的唐寧駐顏有術，更封她為女神，對此她笑言：「終於證明我係冇整過容，絕對唔可以整，因為大家都睇住我長大。」唐寧又讚《大時代》的劉松仁好戲：「一去到拍攝現場，見到松哥入晒戲，就自然被佢帶動到。」談到日後的工作，唐寧暫只會選擇比較輕量的工作，因要照顧細女。

文：音樂組

攝：劉斌