周秀娜遇真命天子 閃婚閃退

藝人周秀娜快將踏入30歲，事業有成被視為圈中小富婆，可惜感情方面未有着落，至今仍是單身。周秀娜承認過往時間全部放在工作上，感情事難以兼顧，她說：「唔可以話係犧牲嘅，但都係一種得失。當時間全部放咗喺工作上面，根本冇時間去拍拖。就算有對象出現，你都唔會有時間去了解同溝通，自然就發展唔到。（後悔？）唔會諗番轉頭，只會當做一個回顧。」

延遲生仔目標

曾以30歲結婚生仔為目標的娜姐，直言計劃需延期。周秀娜自言對愛情可以一發不可收拾，全程投入，甚至可以為愛情放棄如日方中的事業，甚至玩閃婚，但當然要遇到真命天子的出現。

周秀娜希望另一半夠細心，最好識得煮嘢食。

周秀娜（左）在娛圈百足咁多爪，最近更染指商界搞內衣生意。

鍾情細心男人

對於將參與內地真人騷節目《我們相愛吧》，並將會在nowjelli頻道播出，當中她會與男拍檔拍拖，感受戀愛的過程，並展露於觀眾面前。問到會否擔心自己「另一面」被看穿？她表示：「咁我又唔會叫男友拎手袋嘅，我亦唔係重物質嘅女仔，我反而鍾意男仔細心，可以入廚整嘢畀我食。」她更笑言日常生活很多時都很理所當然，亦希望透過節目看回自己的真正一面。

文：影視組