林欣彤下個理想 望貢獻社會
2011年加盟英皇的歌手林欣彤（Mag）入行已四年多，坦言跟公司合作愉快，亦不怕公司多一哥一姐，分薄資源，曾跟容祖兒合作的她更無懼比較：「我可以望到自己有咩可以向佢學習。（會唔會將佢當為目標？）我嘅目標永遠都係要成為一個更好嘅林欣彤，而唔係成為第二個邊個。」
而Mag透露早前推出今年首隻主打歌《我們都是這樣長大的》，歌曲講述追求理想：「依家實踐咗做歌手嘅理想，嚟緊想令呢個理想有更深層嘅意義，諗吓點樣可以對社會或者世界有影響，好似我之前去饑饉trip就係其中一個方法。」願望貢獻社會的Mag原來從小到大已善心爆棚，不但經常做義工，中四時更開始助養小朋友，她更大方分享做善事心得：「做善事係即刻做到咩就做咗先係最直接。」