潘源良畀倫永亮話事

提到潘源良（潘Sir），大多數人會聯想到他是李麗珍的男友，事實上潘Sir叫人津津樂道的，又豈止他和珍妹的一段情。身兼填詞人、導演和足球評述員集一身的潘Sir早在八十年代以寫詞起家，憑着細膩的文筆為林子祥、葉蒨文、譚詠麟、張學友、王菲及林憶蓮等眾多天皇巨星撰下數不清的經典作品。

以戲劇方式演繹

寫過近千首作品的潘Sir將於六月十九、二十日舉行兩場《最愛潘源良是誰作品展》，演出嘉賓陣容強大，但整個演唱會的靈魂「音樂總監」一職，他就決定由相識多年的好友倫永亮（Anthony）出任，Anthony憶述：「我同阿潘大約1988年左右認識，第一次喺錄音室見到佢，當時佢靚仔幾好樣，後來我哋合作過做梅艷芳、林憶蓮等好多歌手唱片，成日都會見面。」

對於音樂部分，潘Sir放手給Anthony自由發揮，他說：「歌單已經收齊哂，多謝所有歌手朋友，全部都好幫手。」而Anthony則稱要從潘Sir作品中揀出四十多首，是一件苦差：「大家知道潘Sir作千首歌，揀歌係好困難嘅事。」

同時兩人透露歌手們屆時會以戲劇方式去演繹，因他們各有想法，如有部分想唱經典歌，有部分想唱其他歌手嘅歌，潘Sir笑言屆時效果會幾有趣。

曾合力完成作品

訪問中，潘Sir忽然向身邊的Anthony表示：「我突然記起有樣嘢要好鄭重多謝你，《男人是否都一樣》係一首曲詞我自己包辦嘅歌，但當時我只有個基本旋律對音樂唔識，於是就問Anthony可唔可以幫手執執，佢只係用咗半個鐘就差唔多成首歌幫我整好晒，仲成功Sell咗畀葉玉卿！如果我當時多啲搵佢幫手，可能我今日已經係一名作曲人。」

在旁的Anthony笑說：「有朝一日我填詞碰上釘，可能我又搵阿潘你幫手寫兩句，不過呢個情況仲未發生過。」說到這裏兩人相視而笑，惺惺相惜之情不言而喻。

文：曹家誠

攝：張福宏

場地：彌敦酒店