謝安琪一劇夠皮 心急變髮
無綫重金打造的重頭劇《殭》已完成拍攝，作為主角之一的謝安琪昨日現身「九倉電訊」活動時，就表示經過半年軍訓般的拍劇生涯後，決定「收爐」，並明言：「拍一套就夠啦！」
歌手謝安琪（Kay）昨日盛裝出席「九倉電訊20週年」的電視廣告發布會，並即席清唱廣告內由林俊傑作曲的國語廣告歌《在雲端遇見愛》。提到有份擔正演出的無綫劇集《殭》，她表示已殺青，首次拍劇的Kay表示用了半年時間拍攝，較原定時間長了很多，不過她仍認為很值得。
主題曲唔使爭
問到可會考慮再拍劇？她即耍手擰頭說：「拍劇對我係奢侈品，做歌手拍劇要用好多資源，我拍一套就滿足啦！」她又稱今次的辛苦程度可謂經典：「人哋話我今次工作量等於拍咗兩套，呢六個月工作好似軍訓咁，而且日夜顛倒。」劇集完工後她笑指首先是去轉髮型：「留咗呢把咁黑實嘅頭髮成半年，嚟緊有其他工作，終於可以轉吓。」
另外，有報道稱她成功擊敗劇中的其他歌手，爭贏主唱劇集主題曲，對此她表示：「唔係爭，係監製搵我唱嘅。」
文﹕音樂組