洪永城唸唐詩解相思

藝人洪永城、鄭俊弘、林欣彤、陳智燊、姚子羚、陸浩明等，早前到世界各地拍攝旅遊節目《過節》，昨日眾人就齊集電視城出席記招。忙拍劇的洪永城已有一年冇拍旅遊節目，故對早前印度之旅十分期待。他到印度拍攝十多日，每日三餐自然離不開咖喱，難怪他自爆回港後，被身邊人投訴身上留有陣陣咖喱味。

女友投訴體味濃

而大會司儀則將他與唐詩詠緋聞擺上枱，問他單獨在外地可有唸起「唐詩」解相思？他即笑言：「我唔識呀，要學吓。（女友唐詩詠可有投訴身上有咖喱味？）唐小姐都有反映過。（介唔介意錫錫時有咖喱味？）我唔知道，你哋問佢介唔介意有咖喱味啦。」

洪永城早前遠赴印度拍攝當地過節氣氛。	唐詩詠	一眾藝人為旅遊節目《過節》造勢。

陳智燊真空上陣

而林欣彤則到日本參加濱松祭慶祝兒童誕生。喜歡小朋友的她，坦言在當地見到大批小朋友令她好恨生B：「自己成日都諗住做媽媽，依家當咗兩隻狗係我個仔。以前希望廿幾歲生B，入行後要延遲到30歲，希望將來生兩個。」單身的她更直言，另一半條件必須喜歡小朋友，並揚言：「如果遇到嗰人好嘅，我又鍾意就隨時ready（拍拖），但依家就冇人追。」

而到泰國拍潑水節弄得全身濕透的陳智燊，就被司儀踢爆拍攝時冇穿底褲，他笑言：「但有着沙灘褲，拍攝出得街嘅。」

文：影視組