Coffee過口癮 咬瘀男友

藝人林芊妤（Coffee）昨日穿上通花背心及熱褲現身銅鑼灣鬧市，前往為電影《壹獄壹世界‧高登闊少踎監日記》宣傳的「實況體驗踎監有錢派」流動水飯房，專程接最後一名參加者「14巴港男」趙詠明「出冊」，除了安排他跨火盤及用碌柚葉洗塵外，Coffee更即場送上唇印為對方打氣！受訪時，Coffee表示非常欣賞趙詠明的能耐，亦曾看過對方被掌摑的片段，但卻不知對方已跟女友分手，Coffee笑言：「佢好愛佢女朋友，如果個男朋友能夠畀女朋友打14巴，係可以原諒。」

拒愛紋身人士

提到跟男友相處時可有發生過類似情況？Coffee指爭執時難免會有些推撞，但絕不會動手打人，其後還自爆怪癖：「我會咬人，咬到（男友）周身瘀晒！我好肉緊，好似接我收工，好開心都會咬！不過可能依家冇拍拖，冇咗呢個習慣。」當記者提議Coffee考慮14巴港男，她表示要先了解對方，還強調自己不會以貌取人。問她可會接受更生人士做男友？她直言：「可以，鍾意就OK！不過自己就唔鍾意有紋身嘅男仔。」

Coffee送上唇印，非常誘人！	趙詠明獲安排進行跨火盤等儀式。	趙詠明獲孿生哥哥接「出冊」。

孿生哥哥撐場

另外，趙詠明的孿生哥哥都有到場，問到趙詠明連續「坐監」7日就可獲得兩萬元可感到辛苦？他說：「唔辛苦，一啲問題都冇，不過我唔係貪錢。」他又透露之後會與哥哥食飯：「請埋你哋囉！錢咋嘛！」他笑言被掌摑的片段在前年瘋傳後，胞兄亦曾被「點錯相」，問其胞兄可會感尷尬？趙詠明說：「一家人冇計較。（『踎監』後有咩打算？）要抖抖，之前請咗假，去玩吓買吓嘢，享受吓先！」

文、攝：音樂組