神之手為慈善瘋狂自拍
被狂迷騷擾的陳嘉寶（Anjaylia）將於六月推出全自拍相集及文字集，收益將撥捐香港乳癌基金會，她表示接到邀請時，正趕拍無綫劇《殭》：「當時諗過推咗佢，但見係做慈善籌款就決定接。雖然好忙，但我都有自拍，前排去咗荷蘭取景，搵好多唔同地方自拍。」
Anjaylia稱自己的Selfie功力爐火純青，自詡為「自拍神手」：「我最叻可以自拍十幾人，個個見到頭，仲要見到風景，好多人睇完相都唔信係自拍，質疑我。」她又透露不時與男友自拍生活照，問可有人邀請她推出水着寫真集？她即耍手擰頭說：「有人叫過，但我拒絕咗，為慈善我唔介意，但要三點式行嚟行去畀人影，好怪呀！」