張曼玉 不羈潮味

張曼玉

「基本上佢着乜上身，啲人都會覺得佢好型，佢已經係一個潮流嘅領導者，今次打扮着出佢嘅味道，上下身都好match，一淺一深，最鍾意佢襯ankle booties，成個look新潮咗，隨意將太陽眼鏡掛胸口上，有不羈瀟灑感覺。」

【型格花褸】章子怡

「唔錯，黑白色加花褸好有春天感覺，幾有型，褸嘅cutting好啱佢比例，佢演繹呢類黑色flare傘裙令佢好有女人韻味；飾物有心思，對鞋換桃紅色會更完美。」

章子怡	劉嘉玲	楊丞琳

【復古韻味】劉嘉玲

「感覺好特別，中袖裙款，長度比例好好，cutting令佢望落去修長咗，好有復古韻味，平時見佢髮型好女人，好成熟，今次髮型後生同潮咗，A-line裙款襯埋對open toe黑色高踭涼鞋，女人味中有時代感。」

何韻詩

郭慶彬

【甜美可愛】楊丞琳

「第一眼望落去好舒服，好女仔，佢揀衫啱啱好，每次知道自己賣點係girly。白色裙好襯佢甜美靚樣，『可愛教主』好啱佢，好sweet，佢襯呢種衫，中晒。」

【黃金比例】Miranda Kerr

「黑白兩色最易着得有時代感，放喺超模身度好隨意發揮到灑脫型味，條黑色裙騷到佢對腳好修長，長度啱啱好，雖然成身較單調，但擁有黃金比例骨架，基本上着咩都好靚，加埋靚樣、髮型，簡單就是美。」

【欠缺貴氣】何韻詩

「麻麻地，性感係有，但呢條花褲絕對唔啱佢，可能見佢着開沉色型嘢為主，佢稍為着得好花，就好似變咗扮女人，中性型格好似啱佢啲，就算名牌着晒上身，都冇嗰種貴氣。」

【眼妝嚇人】Selena Gomez

「呢個打扮中規中矩，唔靚在佢個妝好嚇人，smoky eyes化到熊貓眼，『黑眼圈』拖垮整個造型，個頭好鬆散，我諗梳貼伏all back髮型，個頭整齊會靚啲，我覺得髮型、化妝簡直係差。」

郭慶彬Profile

星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，經常被各大品牌盛邀出席米蘭與巴黎時裝周，還會為品牌在尊貴活動上充當講師，與VIP分享與傳授配搭之道。