溝女最有效嘅方法係乜？咪就係從做朋友開始囉！咪以為呢個方法好老套，須知道橋唔怕舊，最緊要受！先做朋友，跟住落嚟想做啲乜就話咁易，到時名副其實近水樓台先得月，係咪？喺情慾字海中，有唔少詞語同朋友及Friend有關，唔通男女一開始就並非單純嘅友情關係？
喺傳統觀念中，做得朋友先要交心，交咗心至有機會發展至床上嘅交情。不過喺一啲性觀念開放嘅男女心目中，做朋友唔一定要有深入嘅認識，單純嘅床上關係亦可以稱之為朋友，而呢啲就叫做「Sex Friend」。當男女其中一方有性需要時，佢哋就會搵呢啲「Sex Friend」嚟曳曳，完事後各行各路，名副其實冇嘢需要負擔。雖然呢種性關係未必個個認同，但現實中唔少人都享受呢種關係，覺得可以享有極大嘅自由咁話。
「Friend, Friend, Sex」呢句說話有兩個意思，第一係指相當隨便嘅性關係，舉個例子，阿May同阿John及阿Sam經常喺朋友嘅酒吧聚會中遇到，三人雖玩得埋只係私底下卻冇聯絡，有次阿May飲大咗後喺兩男中揀咗阿John上床，事後兩人再無任何聯繫。第二個意思，則係一種成人版嘅拋手巾仔遊戲。玩法係先讓眾人圍圈，再揀一個人做捉人嘅一位。佢喺眾人身後慢慢走，然後輕輕拍一拍其中一人嘅肩膊，被拍者要喺對方跑完一圈前將佢捉住，否則就要繼續搵人捉。成人版唔同嘅地方，卻係捉唔到人嘅話就要自己，或搵一個人一齊喺圈中心作春宮表演，真係怕醜啲都接受唔到！
講起Friend呢個英文，又點可能唔提美國一套播放咗接近10年嘅經典電視劇《Friends》呢？呢套電視劇糅合友情、愛情同搞笑元素於一身，成為當年人氣電視劇，之但係原來喺四仔界，亦有一套惡搞呢套作品嘅四仔，佢就係由四仔片商New Sensations，喺2009年7月推出嘅《Friends: A XXX Parody》。雖然話係惡搞作品，但製作得相當認真，從演員造型、布景、對白同情節，都跟足原著咁滯。當然兩者最大嘅分別，就係後者多咗好多肉搏場面。據導演Lee Roy Meyers指，推出呢套四仔嘅目的，除咗抽呢套人氣劇嘅水外，仲為咗滿足劇迷喺電視中所睇唔到嘅情慾場面，等大家唔使得個諗字，一切都係為咗向原著致敬喎！
咪以為演得出綑綁、監禁、癡女等重口味AV題材，個女優一定係熟到爆或冇乜人氣，現實中就有個女優憑住清純可愛，成為當中嘅人氣天后，佢就係喺1980年12月2日出生，於2000年1月以日本AV片商KUKI專屬女優出道嘅友崎玲。事實上，呢位女優初出道時曾經走過清純路線，並以呢個形象推出AV處女作《清純》，其後又推出多套賣弄純真作品。憑住一對大眼睛及34C車頭燈，好快為人所熟悉，同年又推出處女寫真集《ring》。不過佢呢個形象卻一直叫好唔叫座，甚至喺2001年年底宣布引退。及至2003年佢宣布回歸，而呢次則豁出去化身成重口味女優，終於成功突圍而出！可惜嘅係先後轉會至WANZ、SOD等片商嘅佢，冇耐便漸漸淡出銀幕，令唔少鍾情重口味題材嘅AV迷覺得可惜。
撰文：魂