傅穎有意中人 呻冇時間拍拖

忙於內地拍劇集《望夫成龍》的傅穎（Theresa），早前傳出她秘婚謠言，她已經否認，近日她在微信大晒婚紗照，原來也是劇照。Theresa夢想的婚禮愈簡單愈好，她笑說：「我都諗過個畫面，婚禮喺一個小島搞，只係請家人同最好朋友出席。」單身的她被問到感情事時，她承認有追求者，也有鍾意的對象。

開心重要過物質

追問Theresa鍾意的對象是圈中人還是圈外人？她笑說：「畀啲空間我。」她坦言這個年紀拍拖好正常，但目前忙拍劇：「點拍拖啫？」近年長居內地的她可有富二代追求？她說：「冇，呢兩年喺內地都係拍劇，大部分時間都喺劇組，雖然都有識朋友，但我唔會特登了解人哋係咪富二代。」

內地男星杜俊澤（右）與寧浩然一齊抱起傅穎Chok住影合照。

傅穎與周麗淇男友徐正曦大方合照，不怕傳緋聞。

劇中Theresa與老公經常為錢嘈交，現實世界裏的她則追求簡單生活：「錢夠用就OK，唔一定要賺好多錢，兩個人一齊最緊要開心，而唔係睇物質條件。」

不停嗌交要抖抖

Theresa透露《望》劇於六月初煞科，她想稍作休息，因為拍該劇消耗了很多氣力。她說：「因為我同劇中飾演老公嘅杜俊澤要不停咁嗌交，成套劇我百幾場戲，一半以上我都要大聲咁嗌交，把聲都嗌到『拆』晒，所以成日要食喉糖、煲羅漢果水飲。除咗嗌交，我仲有打交戲，推推撞撞，甚至抽板櫈，所以拍完我真係想抖吓。」

文：音樂組