葉蒨文效法煇哥 做到八十歲
樂壇教父顧嘉煇前晚於紅館舉行第八場「顧嘉煇榮休盛典演唱會」，獲苗僑偉夫婦、黃杏秀、薛家燕、鄭丹瑞與女兒等現身撐場，開場嘉賓葉蒨文（沙麗）和倫永亮驚喜以電視劇《呂四娘》的經典主題曲《願死也為情》登場，引來全場掌聲。
沙麗表示覺得煇哥很斯文：「同黃霑一齊嘅話，就係黃霑講晒所有說話。」她又表示好希望效法煇哥做到八十歲！而倫永亮就大讚煇哥的出現將香港音樂帶入另一個年代，他又自爆當年常在錄音室「執到寶」：「記得20幾年前我成日都喺錄音室執到寶，因為當年煇哥錄完音，啲樂手都會留低啲樂譜，每一份都係煇哥親自處理過，我就會拎嗰啲樂譜鑽研，呢啲『煇哥的樂譜』就成為我嘅啟蒙老師。」
