黎諾懿讚拍檔：表現仲好咗

與朱慧敏在劇集《愛‧回家》演情侶的黎諾懿，前晚受訪時坦言有留意對方新聞，更讚她表現未受影響：「感情事交番畀佢處理，佢狀態幾好。（心情未受影響？）佢表現仲好咗好多，唔覺佢受影響。（安慰佢？）無論咩事，係真定假，佢有需要會幫手。」
黎諾懿透露《愛‧回家》有機會添食。
黎諾懿透露《愛‧回家》有機會添食。

問兩人是否拍《愛》煞科戲？黎諾懿說：「今日收到消息話有機會添食，所以大家咁用心拍，呢晚就拍我哋喺電車續前緣戲份。」無綫高層樂易玲則稱朱慧敏已向她報備此事：「佢依家放假，等佢休息吓。（幫佢開記招？）有需要公司會協助。」《愛》監製徐遇安亦稱感情事交給朱慧敏自己處理，問對方能否留低？徐說：「要睇觀眾反應！」

朱慧敏在電車拍攝與黎諾懿續前緣的戲份。
  • 朱慧敏在電車拍攝與黎諾懿續前緣的戲份。