汪明荃撐出國取經
對於今年港姐有機會到韓國明星學校受訓，汪明荃（阿姐）甚為贊同，曾在七十年代往日本深造歌舞的她，昨日與一班港姐出席母親節活動時說：「韓國出咁多靚仔、靚女嘅明星，參選港姐如果有機會去當地吸收人家好嘢，聽吓演藝嘅竅門係好事，我當時都去咗九個月日本深造，係好好嘅經驗。」
而阿姐昨獲無綫劇《華麗轉身》演員趙希洛、黃心穎和王君馨等送上小心意，當中君馨送上一枚達四位數字的「閃爆」戒指，阿姐大讚有心思：「今晚喺煇哥（顧嘉煇）個演唱會度用！（契仔女送咩？）謝婷婷已經發咗短訊畀我，佢每一年都記得。」提到《華》主題曲最近hit爆網絡，引來二次創作，阿姐稱不太清楚：「咁好嘅歌應該有人鍾意嘅！」