蔡思貝自薦陪師妹
前港姐蔡思貝（Sisley）對今屆師妹有機會到韓國受訓而感到興奮，坦言想自薦做嘉賓陪師妹受訓，她說：「有機會受訓係好好嘅體驗，自我增值係我一直想做囉！（韓國興整容，可擔心師妹前後兩個樣？）係都幾得意！其實整容好普遍，好似洗牙一樣，如果佢哋覺得舒服都冇問題，但我就唔會！」
提到日前與14個猛男在運動場一起跑步，Sisley解釋當天是約了自己做懲教署的跑步師傅練跑，那些赤膊男士只是師傅的徒弟，大部分是首次見面：「我十幾歲就跟佢練跑，我見最近有空檔，想出身汗，當係發洩吓又好。（為咩發洩？）出汗等身體啲毒素排出嚟啫！（肌男吸引？）唔吸引呀！佢哋個個都有家室！最主要係想見師傅，我好尊敬佢，佢雖然嚴肅，但對我好好。」