陳慧敏感激師兄隨傳隨到

歌手陳慧敏昨日出席新碟發布會，吸引同公司的劉浩龍、沈震軒、組合As One、BabyJohn（蔡瀚億）、崔碧珈、蔡潔、小肥、盛朗熙及「巨聲幫」朋友何雁詩、馮允謙捧場，陳慧敏感激到場支持她的好友及歌迷，並點名感謝劉浩龍指：「我同佢喺澳門拍梗套戲，我一句問佢嚟唔嚟，佢真係嚟咗。」由於慧敏將擔任浩龍音樂會嘉賓，即被取笑應留給浩龍女友容祖兒以情侶檔合唱，慧敏說：「唔係我安排得到。（妳扮祖兒同佢合唱？）嘩，祖兒係接觸不到，盡力唱好佢。」