吳若希婆婆設靈 母懷悲痛今赴喪禮
歌手吳若希（Jinny）的婆婆於上月十四日去世，其家人昨日在九龍殯儀館為其設靈，身穿黑色素服的Jinny下午到達，問她最後有否告知媽媽？她表示：「尋日（前日）講咗，媽咪有唔開心，但情緒穩定，聽日佢會嚟送婆婆最後一程。（會否擔心媽媽情緒？）相信媽媽情緒能控制，佢知婆婆去咗主嘅懷抱，都有多謝主。」她又透露媽媽康復進度很好。
她亦坦言與媽媽講清楚後鬆了一口氣，由於Jinny今天往澳門工作不能參加婆婆喪禮，她說：「一早定咗，親戚話唔想影響到我，我會盡量做好，只要大家知我心意就得。」但昨晚未見Jinny的緋聞男友現身拜祭，而她拜祭後晚上即趕赴沙田工作。
