琦琦囡囡拍硬照 被讚醒目
琦琦、任達華愛女任晴佳（Ella）現年十歲，日前與母親拍了一輯硬照，被著名攝影師Paul Tsang大讚領悟力高，琦琦說：「Ella一向唔鍾意影相，我同佢講佢今年十歲，想影輯相做紀念，當係母親節禮物，而且由睇住佢大嘅Paul哥哥操刀影，咁佢先答應。」
拍攝時，Ella被讚反應快，琦琦說：「通常影小朋友嘅攝影師都會好頭痛，但Paul讚Ella好有領悟力，例如叫佢膊頭放低啲，一點就明，自己識得調節，好快手，諗唔到咁快影完。」此外，早前Ella患氣管炎高燒五天不退，琦琦昨日表示女兒經已退燒，希望趁連續三天假期多休息。
