莫文蔚工作狂 老公投訴

莫文蔚昨日連趕兩場活動，中午時分出席YSL Beaute「Pop Up Your Lips」Pop up store揭幕活動，早前Karen與鸚鵡合照，沒有被抓傷，Karen說：「佢係BBo黎，好溫柔，我哋好快就玩熟o左，好friend，佢o係我個頭同身上爬o黎爬去，都影o左好耐。（會唔會收養佢？）我成日都唔o係香港，屋企又有隻貓，應該唔會喇。養寵物最重要係有時間，自己愈來愈忙，都想舒服，但一年忙過一年，o黎緊又有個巡迴演唱會。」

教老公普通話

Karen忙爆，老公Johannes可有投訴？她說：「少少啦！（點安撫佢？）請佢o黎睇我演唱會。（佢識聽廣東話？）佢學緊普通話，學得幾好，我有幫佢補習。（到時請佢上台？）唔會，唔畀佢搶我風頭！」

莫文蔚未有計劃生B，幸老公Johannes體諒任佢話事。

莫文蔚、關楚耀同出席慈善基金活動。

下午，Karen與歌手關楚耀（Kelvin）同出席另一慈善基金活動，Karen透露十年前在父母的機緣巧合下開始幫助廣西偏遠地區的小朋友。問她可有領養小朋友？她說：「我領養o左四川黑熊，捐o左啲錢包佢一世蜜糖。（唔領養，自己生？）自己未搞掂，唔生啦，咁多年我都忙於工作，係工作狂。（老公Johannes鍾意小朋友？）佢應該鍾意我多啲，其實佢完全睇我，我想點都得，佢都會配合。」

關楚耀生兩個

而Kelvin表示近日一位忠實女粉絲結婚了，32歲的他坦言未有對象：「依家做吓嘢先，工作之餘就整吓嘢食同甜品。（做住家男？）唔係，籌備緊6月尾演唱會。」隨着年紀的增長，他說現時對小朋友的關懷和愛心愈來愈明顯，還笑言：「將來生兩個小朋友會比較圓滿。」

文：名人組