天明買玩具「賄賂」囝囝
洪天明昨日帶同大仔洪大仁（TJ）及媽媽到將軍澳出席活動。天明的老婆周家蔚剛剛為他誕下細仔JT，天明對此說：「本來諗住出咗院先公布，但袁偉豪戥我高興將消息公開咗。JT重7磅11安士，母子都健康，JT同哥哥初出世時都似爺爺，因為塊面好腫，依家冇咁似。依家最擔心哥哥見到細佬會呷醋，所以都用細佬名義買玩具同甜品送畀哥哥，好似賄賂咁。」
天明有入產房拍攝細仔出世一劇，並親手剪臍帶，他說：「我接受到呢啲場面，但家蔚唔敢睇。（送咩畀太太？）送咗個BB啦，同埋精液。（再追個女﹖）應該收工唔會再生，除非老婆好想生啦，可能都會去外國選擇性別。」他又指JT的中文名正考慮中：「我想改洪藝，爺爺都諗咗好多個名好似洪大勝、洪大家，爺爺之後諗咗個洪景琋，師傅睇過都話幾好，暫時呢個名最好。」