郭偉亮煲大咗 掃DVD止癮
郭偉亮（Eric）與葉佩雯昨日夫妻檔出席活動，原來Eric亦是經典劇集《大時代》的粉絲，他表示再一次觀看有另一番體會，又笑言一日睇一集已滿足不到他，故他已忍不住購入DVD打算全天候狂煲《大時代》，並大讚：「好嘢唔怕舊嘅！」
音樂人郭偉亮（Eric）與太太葉佩雯（Grace）昨日齊齊出席法國美酒佳餚活動，現場品嘗法式美食，不過Eric表示自己的手受傷，所以要由Grace餵食。
有睡眠窒息症
受訪時，Eric透露一起床發現右手腫了，Grace很擔心是自己害了老公，Grace說：「尋晚我煮自創嘅牛尾畀佢食，佢食咗好多舊，唔知佢係咪敏感。」Eric就謂可能有其他原因，剛巧前日他到醫院接受睡眠窒息症測試，需要全身麻醉：「我有問過醫生會唔會有後遺症，佢話應該唔會淨係腫隻手囉！不過都可能我瞓嘅時候成日砸到隻手嘅。」
Eric又透露自己有輕微睡眠窒息症，鼻鼾聲經常嘈到Grace，故Grace會長期戴耳塞睡覺，而他的醫生朋友表示做手術可改善：「尋日個test就係睇吓我邊度最塞就去做手術，唔使再嘈住佢！」
之後Eric突然問記者有否追看近期熱爆的電視劇《大時代》，他表示移民到美國後非常喜歡煲TVB舊劇，《大時代》已經看過很多次：「細個睇同大個睇個感覺好唔同，開頭嗰幾集劉松仁好慘嘅，細個睇唔覺得好慘，但最近睇番就好有感觸，可能人大咗捱過就知好慘，會有共鳴！我睇到第七集就頂唔住喇，尋日就去咗買成套DVD，因為唔想等！」他又透露被劉松仁感動到眼濕濕，Grace亦有睇到喊，二人均認同《大時代》是神劇，Eric更說：「好嘢唔怕舊嘅！」
讚鄭希怡B女靚
提到好友鄭希怡的B女已出院，二人表示暫不想打擾對方，故未有親身探望：「睇相覺得BB好得意，好大隻眼，我哋講笑話佢一生出嚟就整咗個鼻，割咗雙眼皮，因為真係好靚女！」
文、攝：音樂組