Aily瞓身做打女 守護俏臉

騎呢組合AD2前成員Aily（吳婕妤）前年憑負面新聞成功在寫真戰上突圍而出，其後組合拆夥，消失了一段時間的她早前正式「回歸」，身穿內衣接受《好報》專訪，F Cup導彈身材依然搶眼，但輪廓樣貌變得標致，她直認去年曾赴韓國整容，腮骨、鼻樑及眼皮都曾動刀，變靚後工作運及異性緣都更如意，近月在內地人氣急升，每月平均登台唱歌及打碟逾十場，每場騷價約二萬元人民幣，賺個盤滿缽滿，成功在深圳羅湖區以近二百萬港元購入一個約600呎單位，以及圓夢做髮型屋老闆娘。

每月一次旅行

Aily昨日表示最近繼續忙於登台掘金，單是四月便到了廣西、南京、江門及南寧等地做騷：「因為五月初係旺季，所以頭尾呢段時間都好多騷，客戶見到我啲相咁靚都會邀請我，成日都Full Booking！」月賺六位數的Aily懂得享受人生，計劃每個月去一次旅行慰勞自己，上月她到了海南島三亞遊玩，身穿細碼泳衣晒Big爆身材，之後打算到韓國及泰國，不過她強調現正單身，雖有大批追求者，但並不急於拍拖。

放大圖片	Aily到海南島旅行大解放。	Aily穿上性感內衣大晒F Cup驕人身段。

悔建騎呢形象

提到終極目標，Aily後悔當年在AD2建立了騎呢形象，希望洗底闖影壇，但身材火辣的她難免常被導演睇中演性感角色，多數都是演小三或Model，她直言要堅守三點拒拍三級情慾片，並希望做個出色打女，視Maggie Q為奮鬥目標：「我覺得佢演技好，形象火辣又堅強，想似佢做啲性感冷艷嘅特工！」不過，曾整容的Aily又表示暫未能拍策騎場面及打戲，更不可以打臉，以免粉臉「倒塌」，變靚計劃前功盡廢！

文：影視組

攝：吳文聰

場地：Studio Ume