湯唯感恩：老公真正懂我

湯唯以Rado瑞士雷達錶（Rado）全球品牌代言人身份，演繹HyperChrome皓星1314「一生一世」限量版系列，並大談與韓籍丈夫金泰勇由相識到婚姻生活，問到結婚前會否覺得他就是陪伴自己一生一世的人？她表示：「我一直都知道我會同一個像我好友，但又有很多性格方面可互補嘅人結婚。」她又大讚丈夫人緣極好，認真工作的樣子令她最着迷。

拍照留倩影

提到二人相處最浪漫的時光時，她透露是在濟州島拍戲，丈夫靜靜拿手機拍她追一群雞和一群鴨，令她特別感動：「例如我煮早餐佢特別喜歡，佢會拎手機拍低，佢係懂得感恩一切嘅人。仲有一次我啱啱返去，佢就拉住我，叫我閉上眼睛三秒鐘，行咗三步之後我腦突然冒出一個詞－－『鋼琴』，然後我一睜開眼確實係鋼琴，因為我從小夢想就係能夠學鋼琴，我好感恩嫁畀一個真正懂我嘅人。」

湯唯與金泰勇雖然文化背景不同，但性格方面亦可互補不足。（資料圖片）

認真工作的湯唯坦言有意展開造人大計。

湯唯亦大談與丈夫相識時的點滴，拍攝電影《晚秋》時與金泰勇是通過翻譯來交流：「我覺得翻譯會有誤差，有一日我要求翻譯暫時休息，我哋自己直接溝通，佢係特別怕醜嘅人，未開口就先臉紅，之後我同泰勇說話就唔使翻譯。」雖然二人文化背景不同，但湯唯從丈夫身上學到做夫妻要相敬如賓。

鍾意小朋友

另外，湯唯雖然失落金像獎影后，但前晚出席慶功宴謂沒有半點失望。至於老公有否安慰她？她說：「佢恭喜我，因為攞咗最佳電影嘅大獎。」問到何時展開造人大計？她說：「都想，我哋都鍾意小朋友，但要完成手頭上嘅工作，睇公司決定！（生仔要睇公司？）唔係，我想認真做好工作。」

文：名人組