吳綺莉成頭煙 逼卓林溝通

吳綺莉會好好與女兒溝通。

吳綺莉昨主持電台節目後受訪，談到成龍向《好報》表示相信卓林不會要他的身家，她謂：「冇留意人哋啲新聞，搞掂自己屋企先。（畀唔畀成龍見卓林？）哎，冇睇新聞，唔關我事。個女都就18歲，細路控制唔到，等於佢處理佢阿媽咁，你估我想唔想？我個女嘅嘢都未搞掂，成頭煙，見我笠頂帽就知。（卓林有冇提起見爸爸？）冇提起，佢返嚟都係兩星期。」

嬲女兒報警

對於與女兒生活回復正常，吳綺莉面帶笑容說：「始終佢係反叛期，呢個年齡想同朋友傾偈，未必想同父母傾，但我會逼佢同我講。（驚唔驚有反效果？）因為佢之前係話溝通少。」

成龍認為卓林不會要他的身家。（資料圖片）

卓林（資料圖片）

對於卓林曾報警，吳綺莉坦言：「其實我都有少少嬲，始終佢報警，搵警察搜我屋企，件事可以好嚴重。好彩佢阿媽怕死，我唔可以再畀件事發生，接受唔到第二次，我頂唔住！」

文：專案組