陳豪Chok到盡向老佛爺挑機

藝人陳豪、蔡思貝、羅仲謙、莊思敏、莊思明、李亞男及楊秀惠等昨日在將軍澳電視城為無綫劇集《潮流教主》試造型，扮演潮流教主的陳豪造型與著名時裝設計師「老佛爺」Karl Lagerfeld酷似，西裝上陣的陳豪將頭髮兩邊染白，又勁擺Chok爆甫士，他說：「多謝讚賞，套劇係講fashion ，自己未試過咁嘅造型，好多演員都未合作過，好有新鮮感。（出動私伙？）唔使，公司花好多心機喺造型上，啲衫好似台慶咁，係難得，有做好套劇。（感情線？）冇，好Dry，交畀其他人。」

羅仲謙拒絕備案

曾傳緋聞的蔡思貝與羅仲謙在劇中再演一對，問可擔心緋聞翻熱？思貝說：「希望唔好啦！希望大家都睇到悶啦，我哋當然覺得悶，仲以為講緊上年嘅新聞。」羅仲謙被問到可要向女友楊怡備案？他說：「唔使，傳聞、緋聞當宣傳，啲緋聞都舊啦。（楊怡放心？）緋聞影響唔到我哋。（諗住買樓？）有諗過，但係運氣麻麻抽唔到。」

Karl Lagerfeld 我嗰頭白髮型啲囉！（設計對白）	楊秀惠大晒玉背，令人眼前一亮。	曾傳緋聞的蔡思貝和羅仲謙，看來互相避忌。

莊思明笑住被摑

而莊思敏與莊思明兩姊妹首次一齊拍劇，思敏說：「正式嚟講我係第一次拍劇，所以阿妹係我前輩。」思明則說：「唔好咁講，你咁聰明一定可以做得掂。」不過，兩姊妹在劇中原來沒有對手戲，思敏說：「都唔可惜，大把合作機會啦！」思明笑言：「家姐成日講如果我哋合作，佢想喺戲裏面大巴大巴摑我喎！哈哈！」

文：影視組