曹敏莉賣珠寶一腳踢

前港姐曹敏莉（Mandy）昨日出席開幕活動時，透露近日積極籌備個人珠寶品牌的網上店，其中一款珠寶將於下月在慈善晚宴中出售：「零售價約5萬2，由選石同設計都係自己一手一腳包辦。（忙到冇時間照顧子女？）都係等佢哋返學同瞓覺時先再做自己嘢。」另外，曾被譽為是財經界「窩輪天后」的趙海珠對於港股再受「丁蟹效應」影響，她表示早在數星期前已賣出股票，獲利近5位數字。