傅穎稱被排擠 鄧麗欣感莫名其妙
歌手鄧麗欣（Stephy）昨日出席活動，提到舊隊友傅穎大爆當年被Cookies成員排斥，Stephy謂：「我冇睇佢寫嗰篇嘢，我都有少少好奇有問番啲隊友，乜有啲咁嘅事咩！但大家都唔係好記得，應該淡化咗佢。（都十幾年前嘅事，怕畀人覺得好是非？）好多事都係以訛傳訛變到好複雜，而事實係點，隔咗咁多年好難分清楚。」
會約出來講清楚嗎？Stephy說：「大家好多年冇聯絡，但冇乜嘢要講清楚。（有佢電話？）如果佢冇轉，仲係十年前嘅電話號碼就有囉。」同場的黃伊汶（Emme）被問到舊愛余文樂早前承認曾向一個拍拖多時的女友求過婚，大家都覺得是Emme，Emme尷尬道：「都過咗去，好朋友互相祝福啦。」