莊思敏賺6位數 買車慶祝
無綫重播第一集經典股劇《大時代》，而「丁蟹效應」已經應驗，恒指昨日先升後跌，收市下跌558點！幾位圈中美女股神就準備趁低入市，當中包括藝人莊思敏，早前賺了六位數字的她更揚言要買車；「股壇新手」何佩瑜（Jeana）亦出動到銀行睇股票，她坦言信丁蟹效應，現在想趁低吸納！
經典劇《大時代》於深夜黃金時段重播，股民所擔心的「丁蟹效應」已搶閘再現！投資有道的莊思敏透露早前長揸港交所勁賺六位數，她認為股市走勢暫時樂觀：「我覺得現階段仲係安全同樂觀，預計可以超過三萬點！」但她亦擔心丁蟹效應：「都要過咗個丁蟹效應先，同埋內地政府都好支持港股。我之前放咗少少阿里影業，慶祝趙薇拎影后嘛，都賺咗六位數字！會等個市再回番啲再入過。」
Mia：我最叻殺蟹
對於昨日港股收市下跌558點，莊思敏冇有怕：「揸住先囉，同佢鬥長命呀，我一定長命過丁蟹嘅！」問到她賺的六位數如何花？她指要買車獎自己：「買電動車啦！電動車夏天拍埋一邊可以開冷氣，好用呀！」
而股壇新手何佩瑜（Jeana）昨午亦現身銀行睇股票，自言仍未摸清個市的她拿着手機不停按：「之前跟朋友玩咗一排，都有啲斬獲，但就放咗喇！」提到丁蟹效應，Jeana笑言自己「信邪」：「都信o架，所以依家想趁低吸納！」直至銀行關門Jeana仍未捨得離開，她說：「仲係心大心細，要慢慢諗做足功課，心郁郁買啲大藍籌，好似港交所都唔錯！」
至於正考股票金融經紀牌的陳靜儀（Mia）就稱自己很留意股市，早前更賺得六位數：「之前升得咁犀利，見好就收！依家留番幾隻實力股長揸，唔理咩丁蟹喇，大閘蟹我就知！其實我最叻殺蟹，但依家個市咁波動，睇定啲好！」
雨僑擲十萬跟風
歌手雨僑就話自己沒炒股癮，有見文詠珊早前勁賺近百萬急急「跟風」：「今日（昨日）急急打畀財務顧問買股票入市，攞10萬小試牛刀，唔敢玩得大因為賺錢好辛苦。」她更預告即將投資磚頭：「睇過新盤『倚嵐』。」
文：專案組