小春被彈:搵得我知係點

身為金像獎司儀的陳小春和林家棟,表現備受外間和網民的抨擊,有指陳小春台上說話口齒不清兼口窒,更涉嫌在鏡頭前講粗口。另有指林家棟揶揄電影在偏遠的戲院上映,以及忘記「最佳新演員」候選人張雪芹的名字,實有欠尊重。

陳小春昨日出席活動時笑言:「搵得我嚟都知道我係點,如果搵口齒伶俐好多人可以做。林家棟叫我嚟,做得好開心,負面、正面都唔理會。(介意?)唔睇就冇囉。(台上爆粗?)點會,台上點會講呀。」他承認個多星期前才接獲重任,期間又來回內地拍劇,準備工夫不足,寄望將來有時間再做,屆時準備好啲!

金像獎主席陳嘉上則說:「我覺得金像獎獲提名係唔容易得到嘅榮耀,輸贏總各有原因,我唔評論了。至於家棟,作為一個義工,佢今次做司儀,籌備非常緊張投入、付出好大,呢個工作本嚟就好難取悅所有人,為求有效果,又可能畀人話唔尊重,總之希望大家體諒。」

至於林家棟則表示不作回應。